പ്രഭാതചിന്ത: സത്യസന്ധതയുടെ മൂല്യം

കാട്ടില്‍നിന്ന് ചെറി പഴങ്ങള്‍ ശേഖരിച്ച്  എല്ലാദിവസവും അവന്‍ ഒരു വീട്ടമ്മയ്ക്കായിരുന്നു ഇത് വിറ്റിരുന്നത്.... അവര്‍ പഴങ്ങള്‍ വീട്ടിനകത്ത് കൊണ്ടുപോയി തൂക്കി നോക്കും.... എന്നിട്ട് അതിന്റെ പണം കൊടുക്കും.... അതും വാങ്ങി അവന്‍ പോകും....

 ഒരു ദിവസം വീട്ടമ്മ ബാലനോട് ചോദിച്ചു:

"പഴങ്ങള്‍ തൂക്കിനോക്കുന്നത് ഒരിക്കൽപോലും നീ കണ്ടിട്ടില്ല.... തൂക്കം കുറച്ച് പറഞ്ഞ് ഞാന്‍ നിന്നെ പറ്റിയ്ക്കുകയാണെന്ന് നിനക്ക് സംശയം തോന്നിയിട്ടില്ലേ....?" 

അവന്‍ ഒട്ടും ചിന്തിയ്ക്കാതെ ഉടനെ മറുപടി പറഞ്ഞു: 

"ഒരിക്കലും തോന്നിയിട്ടില്ല..... കാരണം, തൂക്കം കുറച്ച് പറഞ്ഞ് എന്നെ പറ്റിച്ചാല്‍ എനിക്ക് നഷ്ടപ്പെടുന്നത് കുറേ ചെറി പഴങ്ങള്‍ മാത്രമായിരിക്കും..... പക്ഷേ, നിങ്ങള്‍ക്ക് നഷ്ടപ്പെടുന്നത് നിങ്ങളുടെ മന:സ്സാക്ഷി ആയിരിക്കും....." 

 സ്വന്തം മന:സ്സാക്ഷിയെ നഷ്ടപ്പെടുത്താതെ ആര്‍ക്കും ആരേയും പറ്റിക്കാന്‍ കഴിയില്ല. തട്ടിപ്പും വെട്ടിപ്പും നടത്തി സ്വത്ത് സമ്പാദിക്കുമ്പോള്‍ സ്വയം മിടുക്കനാണെന്ന് ഒരു അഹങ്കാരം ആര്‍ക്കും തോന്നാം....  പക്ഷേ, ഓരോ ചതിയും മന:സ്സാക്ഷിയില്‍ ഓരോരോ പോറലുകളായി വീണുകിടക്കും.... ഇതാണ് പിന്നെ നമ്മുടെ സമാധാനത്തെ സ്വാധീനിയ്ക്കുന്നത്.    

അനുഭവങ്ങളുടെ തീച്ചൂളയിലൂടെ കടന്ന് പോകുമ്പോഴേ ഓരോ തെറ്റിനും മാപ്പ് ലഭിയ്ക്കുകയുള്ളൂ.... സ്വന്തം മന:സ്സാക്ഷിയെ  നഷ്ടപ്പെടുത്താതിരിക്കാന്‍ നമുക്ക് ശ്രമിക്കാം......"

പുതിയ തൊഴിൽ അവസരങ്ങളും വിദ്യഭ്യാസ വാർത്തകളും ദിവസവും അറിയാൻ ഇപ്പോൾ തന്നെ WнaтѕAρρ ഗ്രൂപ്പിൽ ജോയിൻ ചെയ്യൂ..👇 📱https://bn1.short.gy/CareerLokam