സി.ബി.എസ്.ഇ. പത്താം ക്ലാസ് ബോർഡ് പരീക്ഷ രണ്ടു പ്രാവശ്യമായി നടത്താനുള്ള കരട് നയത്തിന് അംഗീകാരമായി. ഈ അധ്യയനവർഷം (2026) മുതൽ രണ്ടു പ്രാവശ്യം പരീക്ഷ നടത്തുന്നതിനുള്ള അനുമതിയാണ് സി.ബി.എസ്.ഇ. നൽകിയിരിക്കുന്നത്. ആദ്യഘട്ട പരീക്ഷ ഫെബ്രുവരിയിലും രണ്ടാം ഘട്ടം മേയിലും നടത്താനാണ് തീരുമാനം.
പരീക്ഷാ ഘട്ടങ്ങളും വ്യവസ്ഥകളും
ആദ്യഘട്ട പരീക്ഷ (ഫെബ്രുവരി): ഫെബ്രുവരിയിൽ നടക്കുന്ന ആദ്യപരീക്ഷ എല്ലാ വിദ്യാർത്ഥികൾക്കും നിർബന്ധമാണ്.
രണ്ടാം ഘട്ട പരീക്ഷ (മെയ്): ഈ പരീക്ഷയിലെ മാർക്ക് മെച്ചപ്പെടുത്തണമെങ്കിൽ മാത്രം വിദ്യാർത്ഥികൾക്ക് രണ്ടാം ഘട്ട പരീക്ഷയെഴുതിയാൽ മതി. ശാസ്ത്രം, ഗണിതം, സാമൂഹിക ശാസ്ത്രം, ഭാഷ എന്നിവയിൽ നിന്ന് ഏതെങ്കിലും മൂന്നു വിഷയങ്ങളിൽ മാർക്ക് മെച്ചപ്പെടുത്തുന്നതിനുള്ള അവസരമാണ് വിദ്യാർത്ഥികൾക്ക് ലഭിക്കുക.
രണ്ടാം പരീക്ഷ എഴുതാൻ കഴിയാത്തവർ: ആദ്യഘട്ട പരീക്ഷയിൽ മൂന്നോ അതിലധികമോ വിഷയങ്ങളിൽ പങ്കെടുക്കാത്തവരെ രണ്ടാം ഘട്ട പരീക്ഷ എഴുതാൻ അനുവദിക്കില്ല. അവർക്ക് 'റിപ്പീറ്റ്' വിഭാഗത്തിൽ പരീക്ഷയെഴുതേണ്ടി വരും.
ഇംപ്രൂവ്മെൻ്റ് പരീക്ഷയില്ല: ഈ മാറ്റത്തോടെ പത്താം ക്ലാസിൽ ഇനിമുതൽ ഇംപ്രൂവ്മെൻ്റ് പരീക്ഷ ഉണ്ടാവില്ല.
ഇന്റേണൽ മാർക്കും കമ്പാർട്ട്മെൻ്റ് പരീക്ഷയും
പരീക്ഷ രണ്ടു പ്രാവശ്യമുണ്ടെങ്കിലും ഇന്റേണൽ മാർക്ക് നിർണയം ഒറ്റത്തവണ മാത്രമായിരിക്കും.
ആദ്യപരീക്ഷയിൽ കമ്പാർട്ട്മെൻ്റ് ഫലം ലഭിച്ച വിദ്യാർത്ഥികൾക്ക്, അതേ വർഷം മെയ് മാസത്തിൽ നടക്കുന്ന രണ്ടാമത്തെ പരീക്ഷ കമ്പാർട്ട്മെൻ്റ് വിഭാഗത്തിൽ എഴുതാൻ അവസരമുണ്ടാകും.
ഫലപ്രഖ്യാപനവും രജിസ്ട്രേഷനും
പരീക്ഷകളുടെ ഫലം യഥാക്രമം ഏപ്രിൽ (ഫെബ്രുവരി പരീക്ഷയ്ക്ക്), ജൂൺ (മെയ് പരീക്ഷയ്ക്ക്) മാസങ്ങളിൽ പ്രഖ്യാപിക്കും.
ഫെബ്രുവരിയിലെയും മെയ് മാസത്തിലെയും പരീക്ഷകൾക്ക് പ്രത്യേക രജിസ്ട്രേഷൻ ആവശ്യമാണ്.
നിലവിലെ സി.ബി.എസ്.ഇ. നിയമപ്രകാരമായിരിക്കും ഫലപ്രഖ്യാപനം.
രണ്ടാമത്തെ പരീക്ഷ പൂർത്തിയായശേഷമായിരിക്കും മാർക്ക് ലിസ്റ്റ് ലഭിക്കുക. മാർക്കുകളുടെ പുനർമൂല്യനിർണയം മെയ് മാസത്തിൽ നടക്കുന്ന രണ്ടാം ഘട്ട പരീക്ഷയ്ക്ക് ശേഷമേ സാധിക്കൂ.
ഈ മാറ്റങ്ങൾ വിദ്യാർത്ഥികൾക്ക് അവരുടെ പ്രകടനം മെച്ചപ്പെടുത്താനുള്ള കൂടുതൽ അവസരങ്ങൾ നൽകുകയും, പഠനഭാരം കുറയ്ക്കുകയും ചെയ്യുമെന്നാണ് പ്രതീക്ഷിക്കുന്നത്.
പുതിയ തൊഴിൽ അവസരങ്ങളും വിദ്യഭ്യാസ വാർത്തകളും ദിവസവും അറിയാൻ ഇപ്പോൾ തന്നെ WнaтѕAρρ ഗ്രൂപ്പിൽ ജോയിൻ ചെയ്യൂ..👇 📱https://bn1.short.gy/CareerLokam
