പ്ലസ് വൺ പ്രവേശനത്തിനുള്ള ഒന്നാം സപ്ലിമെന്ററി അലോട്ട്മെന്റ് ഫലം പ്രസിദ്ധീകരിച്ചു. വിദ്യാർത്ഥികൾക്ക്https://hscap.kerala.gov.in/ എന്ന അഡ്മിഷൻ പോർട്ടലിൽ കാൻഡിഡേറ്റ് ലോഗിൻ വഴി ഫലം പരിശോധിക്കാം.
ഒന്നാം സപ്ലിമെന്ററി അലോട്ട്മെന്റ്: പ്രവേശന നടപടികൾ
അലോട്ട്മെന്റ് ലഭിച്ച വിദ്യാർത്ഥികൾ നാളെ (ജൂലൈ 4) രാവിലെ 10 മണി മുതൽ ജൂലൈ 8 വൈകിട്ട് 4 മണി വരെ പ്രവേശനം നേടണം. ഈ അലോട്ട്മെന്റിൽ താൽക്കാലിക പ്രവേശനം ലഭ്യമല്ല; അലോട്ട്മെന്റ് ലഭിച്ചവർ ഫീസടച്ച് സ്ഥിര പ്രവേശനം ഉറപ്പാക്കണം.
അടുത്ത അലോട്ട്മെന്റുകളും തീയതികളും
ഒന്നാം സപ്ലിമെന്ററി അലോട്ട്മെന്റിൽ സീറ്റ് ലഭിക്കാത്തവർക്കും മറ്റ് അപേക്ഷകർക്കും ഇനി വരുന്ന ഘട്ടങ്ങളിൽ പ്രവേശന സാധ്യതയുണ്ട്:
രണ്ടാം സപ്ലിമെന്ററി അലോട്ട്മെന്റ്: ഇതിനായുള്ള അപേക്ഷകൾ ജൂലൈ 9 മുതൽ 11 വരെ സമർപ്പിക്കാം. രണ്ടാം സപ്ലിമെന്ററി അലോട്ട്മെന്റ് ഫലം ജൂലൈ 16-ന് പ്രസിദ്ധീകരിക്കും.
ട്രാൻസ്ഫർ അലോട്ട്മെന്റ്: രണ്ടാം സപ്ലിമെന്ററി അലോട്ട്മെന്റ് പ്രവേശന നടപടികൾ പൂർത്തിയാക്കിയ ശേഷം വരുന്ന ഒഴിവുകളിലേക്ക് ട്രാൻസ്ഫർ അലോട്ട്മെന്റ് നടത്തും. ഇതിനുള്ള അപേക്ഷാ സമർപ്പണം ജൂലൈ 19 മുതൽ 21 വരെ നടക്കും.
സ്പോട്ട് അഡ്മിഷൻ: ട്രാൻസ്ഫർ അലോട്ട്മെന്റിന് ശേഷവും ഒഴിവുകൾ അവശേഷിക്കുകയാണെങ്കിൽ, അവ പ്രസിദ്ധപ്പെടുത്തി സ്പോട്ട് അഡ്മിഷനുള്ള അവസരം നൽകും. ഇതോടെ ഈ അധ്യയന വർഷത്തെ പ്ലസ് വൺ പ്രവേശന നടപടികൾ പൂർത്തിയാകും.
വിദ്യാർത്ഥികൾ ഏറ്റവും പുതിയ വിവരങ്ങൾക്കായി hscap.kerala.gov.in വെബ്സൈറ്റ് സന്ദർശിക്കുന്നത് തുടരണം.
പുതിയ തൊഴിൽ അവസരങ്ങളും വിദ്യഭ്യാസ വാർത്തകളും ദിവസവും അറിയാൻ ഇപ്പോൾ തന്നെ WнaтѕAρρ ഗ്രൂപ്പിൽ ജോയിൻ ചെയ്യൂ..👇 📱https://bn1.short.gy/CareerLokam
