പ്ലസ് ടു പഠനം പൂർത്തിയാക്കിയ യുവതീ-യുവാക്കൾക്ക് ഇന്ത്യൻ പ്രതിരോധ സേനയിൽ ഓഫീസർ തസ്തികകളിലേക്ക് ചേരാൻ സുവർണ്ണാവസരം. നാഷണൽ ഡിഫൻസ് അക്കാദമി (NDA), നേവൽ അക്കാദമി (NA) എന്നിവയിലേക്കുള്ള പ്രവേശനത്തിനായി യൂണിയൻ പബ്ലിക് സർവീസ് കമ്മീഷൻ (UPSC) നടത്തുന്ന പരീക്ഷയ്ക്ക് ഇപ്പോൾ അപേക്ഷിക്കാം. ആകെ 406 ഒഴിവുകളാണ് റിപ്പോർട്ട് ചെയ്തിരിക്കുന്നത്. അവിവാഹിതരായ പുരുഷന്മാർക്കും വനിതകൾക്കും ഈ അവസരം പ്രയോജനപ്പെടുത്താം.
പ്രധാന വിവരങ്ങൾ
- പരീക്ഷ: UPSC നാഷണൽ ഡിഫൻസ് അക്കാദമി (NDA) & നേവൽ അക്കാദമി (NA) പരീക്ഷ
- ആകെ ഒഴിവുകൾ: 406
- ലഭ്യമായ തസ്തികകൾ:
- നാഷണൽ ഡിഫൻസ് അക്കാദമി (NDA) - ആർമി: 208 ഒഴിവുകൾ (വനിതകൾക്ക് 10 ഉൾപ്പെടെ)
- നാഷണൽ ഡിഫൻസ് അക്കാദമി (NDA) - നേവി: 42 ഒഴിവുകൾ (വനിതകൾക്ക് 5 ഉൾപ്പെടെ)
- നാഷണൽ ഡിഫൻസ് അക്കാദമി (NDA) - എയർഫോഴ്സ് (ഫ്ലൈയിങ്): 92 ഒഴിവുകൾ (വനിതകൾക്ക് 2 ഉൾപ്പെടെ)
- നാഷണൽ ഡിഫൻസ് അക്കാദമി (NDA) - എയർഫോഴ്സ് (ഗ്രൗണ്ട് ഡ്യൂട്ടീസ് - ടെക്നിക്കൽ): 18 ഒഴിവുകൾ (വനിതകൾക്ക് 2 ഉൾപ്പെടെ)
- നാഷണൽ ഡിഫൻസ് അക്കാദമി (NDA) - എയർഫോഴ്സ് (ഗ്രൗണ്ട് ഡ്യൂട്ടീസ് - നോൺ-ടെക്നിക്കൽ): 10 ഒഴിവുകൾ (വനിതകൾക്ക് 2 ഉൾപ്പെടെ)
- നേവൽ അക്കാദമി (10 + 2 കാഡറ്റ് എൻട്രി സ്കീം): 36 ഒഴിവുകൾ (വനിതകൾക്ക് 4 ഉൾപ്പെടെ)
- പരിശീലനകാലത്തെ സ്റ്റൈപൻഡ്: പ്രതിമാസം 56,100 രൂപ
- അപേക്ഷാ ഫീസ്: 100 രൂപ
- അപേക്ഷിക്കാനുള്ള അവസാന തീയതി: ജൂൺ 17
- പരീക്ഷാ തീയതി: സെപ്റ്റംബർ 14 (ദേശീയതലത്തിൽ)
യോഗ്യതാ മാനദണ്ഡം
- പ്രായപരിധി: അപേക്ഷകർ 2007 ജനുവരി ഒന്നിന് മുമ്പോ 2010 ജനുവരി ഒന്നിന് ശേഷമോ ജനിച്ചവരാകരുത്.
- വിദ്യാഭ്യാസ യോഗ്യത:
- NDAയുടെ ആർമി വിങ്ങിലേക്ക്: പ്ലസ് ടു/തത്തുല്യ പരീക്ഷ പാസായാൽ മതി. ഏത് സ്ട്രീമിലുള്ളവർക്കും അപേക്ഷിക്കാം.
- NDAയുടെ എയർഫോഴ്സ്, നേവൽ വിങ്ങുകളിലേക്കും നേവൽ അക്കാദമിയിലേക്കും: ഫിസിക്സ്, കെമിസ്ട്രി, മാത്തമാറ്റിക്സ് വിഷയങ്ങളോടെ പ്ലസ് ടു/തത്തുല്യ പരീക്ഷ വിജയിച്ചിരിക്കണം.
- പ്ലസ് ടു/തത്തുല്യ പരീക്ഷയെഴുതുന്നവർക്കും നിബന്ധനകൾക്ക് വിധേയമായി അപേക്ഷിക്കാവുന്നതാണ്.
- ശാരീരിക യോഗ്യത: വിജ്ഞാപനത്തിൽ നിഷ്കർഷിച്ചിട്ടുള്ള ഫിസിക്കൽ ഫിറ്റ്നസ് അടക്കമുള്ള ശാരീരിക യോഗ്യതകൾ ഉണ്ടായിരിക്കണം.
എങ്ങനെ അപേക്ഷിക്കാം?
താല്പര്യമുള്ള യോഗ്യരായ ഉദ്യോഗാർത്ഥികൾക്ക് UPSCയുടെ ഔദ്യോഗിക വെബ്സൈറ്റായ https://upsconline.nic.in/exam-apply സന്ദർശിച്ച് ഓൺലൈനായി അപേക്ഷ സമർപ്പിക്കാവുന്നതാണ്. കൂടുതൽ വിവരങ്ങൾക്കും അപേക്ഷാ സമർപ്പണത്തിനും ഈ വെബ്സൈറ്റ് ഉപയോഗിക്കുക.
പുതിയ തൊഴിൽ അവസരങ്ങളും വിദ്യഭ്യാസ വാർത്തകളും ദിവസവും അറിയാൻ ഇപ്പോൾ തന്നെ WнaтѕAρρ ഗ്രൂപ്പിൽ ജോയിൻ ചെയ്യൂ..👇 📱https://bn1.short.gy/CareerLokam
Tags:
CAREER
